Հ. Մարությանը քիչ առաջ մի նոր տեղեկություն հանրայնացրեց, որից տեղեկանում ենք, որ առաջիկայում քաղաքային տրանսպորտային երթևեկության մեջ զգալի դրական փոփոխություններ են լինելու:
Փոփոխությունները կապված են անհնարին թվացող մի իրադարձության հետ, որն իրականություն է դարձել: Առաջիկայում համայնքային բյուջեն թույլ է տալու ձեռք բերել շուրջ հարյուր քաղաքային տրանսպորտային միջոց՝ փոքր չափի ավտոբուս:
Իսկ տարեսկզբին հայտարարված մրցույթը, որի համաձայն տասներկու մետրանոց ևս հարյուր ավտոբուս էլ, պետք է տարվա ընթացքում ներկրվեն, ընթացքի մեջ է: Քաղաքապետը խոստանում է մոտ օրերս ներկայացնել մրցույթի արդյունքների ամփոփման հաշվետվությունը:
Ըստ նախասահմանված պահանջների՝ նոր ավտոբուսներում կլինեն բոլոր հնարավորությունները հաշմանդամների համար, էլեկտրոնային տոմսավորման ապարատ, օդափոխման ու ջեռուցման համապատասխան սարքավորումներ, երթևեկության ժամային և վայրային ծանուցումներով էլեկտրոնային տախտակներ, վարորդին կանգնելու ազդանշան տալու համապատասխան կոճակ և այլ ժամանակակից հարմարություններ:
Ամփոփելով ներկայացրած տեղեկությունները՝ քաղաքապետը վստահություն է հայտնում, որ այդպիսով նշանակալիորեն կբարելավի քաղաքային երթևեկության հարցը: Հրապարակումն ամբողջությամբ՝ կից:
