Շատ-շատերին սիրելի, մշտապես անփոփոխ երիտասարդ ու զվարթ Զառա Արամյանն այսօր տոնում է ծննդյան հիսուներկուամյակը: Զառան դեռ մանկությունից եղել է թատրոնի բեմում ու ռադիոյի եթերում:
Սովորելով ԵՊՀ-ի ռուսաց լեզվի ու գրականության ֆակուլտետում՝ դեռ ուսանողության տարիներից աչքի է ընկել ակտիվ խմբագրական ու կազմակերպչական գործունեությամբ:
Հետո նա նաև սկսել է հանդես գալ հեռուստատեսությամբ: Հումորային ֆիլմերում, մանրապատումներում նրա մասնակցությունը յուրահատուկ հմայք ու գեղեցկություն էր տալիս նախագծերին:
Զ. Արամյանի այցեքարտը, թերևս, տարիներ շարունակ եթեր հեռարձակվող «Համով զրույց» հաղորդաշարն էր, որի շրջանակներում նա հետաքրքիր, անկեղծ ու համով զրույցներ էր վարում տարբեր ականավոր դեմքերի հետ:
Լինելով անկեղծ ու բաց մարդ՝ նա երբեք չի խուսափում խոսել իր ուրախություններից, հաջողություններից ու դժվարություններից:
Երկու զավակների հոգատար ու սիրող մայրը նաև ընտանիքի լավ կին է: Ծննդյան օրվա մեկնարին՝ հենց կեսգիշերն անց, նա բավականին ուշագրավ լուսանկարներ է հանրայնացրել զավակների հետ:
Սույն լուսանկարները ներկայացված են կից:
