Ամենավերջին տվյալններով հայկական կողմի մարդկային կորուստների թիվը հասել է ութսունչորսի: Սա այն ամենաթանկագին կորուստն է, որ հայկական կողմը տալիս է այս գոյամարտում, որն ակնհայտորեն ընթանում է անհավասար պայմաններում:
Երեկոյան Հանրային հետուստաընկերության հիմնական լրատվական հեռարձակման շրջանակներում լրատվական մեկնաբան Անի Զաքարյանը, լինելով գործի գիտակ և պրոֆեսիոնալ իր ոլորտում, այնուամենայնիվ չի կարողացել զսպել լացը՝ կարդալով անմահության ուղին բռնած հայ հերոսների անունները:
Երբ ավարտել է մեր նահատակ տղաների անվանացուցակի ընթերցումը, Ա. Զաքարյանը հաջորդ միտքն արտահայտելիս արտասվել է, փոխվել է նրա ձայնի ինտոնացիան և առոգանությունը, իսկ հետո նա այլևս չի կարողացել շարունակել նյութի ընթերցումը:
Այսօրինակ դեպք հեռուսամեկնաբանության ասպարեզում եղել է նաև չորս տարի առաջ մեկնարկած ապրիլյան դեպքերի ժամանակ, դարձյալ նույն իրավիճակում, ինչն էլ ցույց է տալիս, որ հեռուստամեկնաբանը նախ և առաջ մարդ է, ապա նոր միայն՝ մասնագետ:
Հեռուստամեկնաբան Ա. Զաքարյանի այս հուզիչ եթերի նշյալ հատվածը կարող եք դիտել վարը բերված նյութի մեջ:
