Ակտիվ շրջանառվում են լուրերն այն մասին, որ Սամվել Բաբայանը կնշանակվի Պաշտպանության նախարար։ «Իրավունք» թերթի լրագրողը Բաբայանի հետ զրույցում այդ թեմայի վերաբերյալ հարցադրում է կատարել։
Բաբայանը նշել է, որ նման առաջարկ չի եղել և անգամ նմանատիպ խոսակցություն չկա։
Զարմացավ, թե որտեղից և ինչ հիմքով են նման լուրեր և խոսակցություններ տարածվում։ «Ես տեղյակ չեմ, թե ովքեր են շահագրգռված և ինչքանով են անկեղծ:
Արցախցիների մեծ մասի ցանկությունն է դա, բայց ցանկությունը մեկ բան է, առաջարկ ստանալը՝ լրիվ այլ», — հայտնել է Բաբայանը։ Նաև նշել է, որ դեմ է Արայիկ Հարությունյանի հրաժարականին, քանի որ կարծում է այդ դեպքում Արցախում քաոս կտիրի։
Հարցին, թե ինչո՞ւ հայկական կողմը հակառակորդին համարժեք պատասխան չտվեց Սև լճում, Բաբայանը պատասխանել է, որ մենք բանակ չունենք և մինչև չկարգավորենք, չստեղծենք բանակ, թշնամին անընդհատ ոտնձգություններ է անելու։
