Արկադի Դումիկյանը նոր աշխատանք է ներկայացրել: Նրա հերթական գործը նվիրված է որդիներին: Նա երգում է որդու մասին՝ շնորհավորելով նրա ծննդյան տարեդարձը: Երգը վերնագրված է «Նոր հայ»:
Առհասարակ, Ա. Դումիկյանը մեծ տեղ է հատկացնում ընտանիքին, ընտանեկան իրավիճակներին ու հաճախ է երգում այդ մասին: Նրա նախորդ երգերից մեկը ևս նմանօրինակ ոճային ու թեմատիկ բովանդակություն ուներ:
Երգի հետ մատուցվող տեսահոլովակը ընտանեկան միջավայրի, ընտանեկան տոնական օրվա գեղեցիկ կադրերի համադրությամբ է կառուցված: Երգիչն իր ուրախությունն է հայտնում այն առիթով, որ ծնվել է մի նոր հայ:
Ա. Դումիկյանի ներկայացրած նոր երգի խոսքերի ու երաժշտության հեղինակը Արսեն Կասևն է: Երգը պարային ու ռիթմիկ է, շատ հարմար ծննդյան տոնակատարությունների ժամանակ երգելու և որդիներին նվիրելու համար:
Ա. Դումիկյանի նոր գործը կարող եք լսել վարտ բերված տեսահոլովակի նյութի մեջ՝ թողնելով նաև ձեր կարծիքն ու տպավորությունը:
