Այսօր առավոտյան արտակարգ դեպք է պատահել Երևանից դեպի Գյումրի գնացող երկաթուղու հետ։ Հայտնի է դարձել, որ առավոտյան ժամը ութից ինն ընկած ժամանակահատվածում երկարգծի ռելսերով ընթացող մարդատար գնացքի վագոններից մեկին է բախվել Մերսեդես մակնիշի մարդատար մեքենա։
Բախման արդյունքում Մերսեդես մեքենայի ուղևորները ստացել են մարմնական վնասվածքներ՝ փոխադրվելով հիվանդանոց։ Ուղևորները փոխադրվել են մոտակա Մեծամորի հիվանդանոցային կենտրոն՝ անհրաժեշտ բժշկական օժանդակություն ստանալու համար։
Հայտնի է դարձել, որ Մերսեդես մակնիշի մեքենայի ուղևորները բոլորն էլ եղել են մոտակա Զարթոնք կոչվող գյուղի բնակիչներ։
Մերսեդեսի մեջ եղել են չորս ուղևորներ՝ վարորդը՝ վաթսունչորսամյա Մարտունը, երկու կանայք և իննամյա երեխա։ Կանանցից մեկը վաթսուներկու տարեկան Հասմիկն է եղել, իսկ մյուսը՝ քառասուներկու տարեկան Քրիստինեն։
Այս արտառոց դեպքը տեղի է ունեցել հենց Զարթոնքի վարչական հատվածում։ Դեպքի շուրջ տարվում են հետաքննական աշխատանքներ, այլ մանրամասնություններ դեռևս չեն հանրայնացվում։
