Երաժիշտ Արթուր Հակոբյանին շատերը ծանոթ են հենց «Երգ երգոց» հայտնի ու սիրված հաղորդումից: Յուրաքանչյուր կիրակի երեկոյան հանրային հեռուստատեսությունը շատերին շաբաթը մշակութային բավականությամբ ամփոփելու և եզրափակելու հնարավորություն էր տալիս:
Հաղորդաշարը ոչ միայն երաժշտական էր,այլև տեղեկատվական: Այն կարևոր մշակութային տեղեկատվություն էր հաղորդում հեռուստադիտողին:
Մշակութային տարբեր անհատների և իրողությունների մասին թեմատիկ եթերներով հեռուստատեսությունը հագեցնող այս հաղորդման փակվելու մասին հրապարակում է արել երաժիշտ Արթուր Հակոբյանը:
Նա հանրայնացրել է երաժշտական հաղորդաշարի հայտնի ու սիրված նվագախմբի երաժիշտների համատեղ լուսանկարը՝ տեղեկացնելով, որ հաղորդաշարը փակվել է:
Երաժիշտը ափսոսանք է հայտնել այդ առիթով: Երաժշտի սույն հրապարակման ներքո տարատեսակ մեկնաբանություններ են տեղ գտել, որոնք բնույթով մեծ մասամբ ափսոսական են, իսկ ոմանք էլ հույս են հայտնել, որ հնարավոր է փակվելը ժամանակավոր է և համավարակային իրավիճակի հաղթահարման հետ զուգընթաց գուցե հաղորդումն էլ վեաբացվի, քանի որ մեծ սեր վայելով հաղորդումներից է:
