Շառլ Ազնավուրի որդին կոչ է անում Էմանուել Մակրոնին ճանաչել Արցախի անկախությունը. մանրամասներ

Գաղտնիք ու նորություն չէ, որ ֆրանսիական կողմն անթաքույց համակրանք ունի հայ ժողովրդի նկատմամբ, որը փոխադարձ է: Երկու ժողովուրդներին կապող շատ հոգեհարազատ ու կարևոր հանգամանքներ կան, որոնցից մեկն էլ երկու կողմերի բազմամյա հարուստ մշակույթն է:

Ֆրանսիական ու հայկական մշակութային աշխարհները կապող ամենից հայտնի օղակը Շառլ Ազնավուրն է, ով, ցավոք սրտի, արդեն երկու տարի է, ինչ մեզ հետ չէ:

Սակայն լեգենդար շանսոնյեի նպատակների շարունակությամբ հետևողականորեն զբաղվում են նրա զավակները, մասնավորապես Նիկոլյա Ազնավուրը, ով հաճախ է լինում Հայաստանում, առանց բարձրաձայնելու օգնում հայ ժողովրդին:

Այս առանցքային ու կարևորագույն ժամանակաշրջանում Նիկոլյա Ազնավուրը շարունակել է իր հետևողականության գիծը՝ նամակով դիմելով երկրի նախագահ Էմանուել Մակրոնին: Նա Մակրոնին հորդորել է ճանաչել Արցախի անկախությունը:

Նիկոլյա Ազնավուրը նաև առաջարկել է որոշակի միջոցներ նախաձեռնել՝ թուրք-ադրբեջանական տնտեսական ոլորտի վրա որոշակի վերահսկողություն սահմանելու և սանկցիաներ կիրառելու համար:

Понравилась статья? Поделиться с друзьями: