Գ. Դաբաղյանը, ով մի քանի ամիս է, ինչ հեռու էր սիրելիից համավարակի սահամափակումների պատճառով, տոնական տրամադրության մեջ է:
Դեռ օգոստոսի վերջին երգիչն իր սոցհարթակում հրապարակում էր արել՝ տեղեկացնելով, որ վայելում է Դիլիջանի բնության գեղեցկությունը, իսկ այժմ արդեն Մոսկվայում է ու վայելում է ոչ միայն սիրելիի ներկայությունը, այլ նաև հայր լինելու բերկրանքը:
Երգիչն իր սոցհարթակներում լուսանկարներ է հանրայնացրել՝ տեղեկացնելով իր համար բաղձալի նորության մասին: Պարզվում է՝ հուլիսի 15-ին լույս աշխարհ է եկել երգչի առաջնեկը:
Բալիկը չքնաղ աղջնակ է, ում ծնողները որոշել են Շուշաննա անվանել: Հայրը, դստրիկի հետ լուսանկարներ հրապարակելով, նրան բնորոշում է Հրաշք, Հրեշտակ, Հեքիաթ բառերով:
Գուրգենի այս հրապարակման ներքո տեղ են գտել բազմաթիվ ջերմ ու գեղեցիկ շնորհավորական բարեմաղթանքներ: Երգչին շնորհավորել են նրա գործընկերները, երկրպագուները և նրա երգարվեստի սիրահարները:
Մեկնաբանություններում գրել են, որ հայ երգի Փոքրիկ Իշխանը բալիկ է ունեցել, ինչը հրաշալի նորություն է:
