Ինչպես մեր ընթերցողներին ավելի վաղ էինք տեղեկացրել, օրերս Հայկոն նշել է ծննդյան հերթական տարեդարձը:
Իրեն բնորոշ համեստությամբ նա այդ օրվանից ոչ մի կադր չի հանրայնացրել, սակայն մի ուշագրավ տեսահոլովակ է տեղադրել իր յութուբյան ալիքում, որն առնչվում է իր ծննդյան առիթի հետ:
Հայկոյի ընկերները երաժշտական ձևավորմամբ մի յուրօրինակ տեսահոլովակ են պատրաստել, որտեղ հետաքրքիր երաժշտության ներքո ներկայացնում են Հայկոյին, բնութագրում նրան որպես մարդ ու ընկեր, ով ամեն ինչ անում է բոլորի համար ու բոլորի փոխարեն:
Տեսահոլովակը վերնագրված է «Էմոշընս» («Զգացողություններ»): Այստեղ ժամանակային, տարածքային և իրավիճակային տարբեր ընդգրկումներ ունեցող կադրեր են, որոնցում գլխավոր հերոսը Հայկոն է:
Երաժշտական տեսանյութն ուղեկցվում է Հայկոյի մասին ընկերների մտքերի արտասանությամբ, որը հետաքրքիր էֆեկտ է հաղորդում նյութին:
Երգիչը, ընկերների անակնկալն իր էջում տեղադրելով, հատուկ շնորհակալություն է հայտնել Հրաչ Քեշիշյանին, Սարիկ Անդրեասյանին, Արամայիս Հայրապետյանին, Լուսինե Մարտիրոսյանին, Գրիշա Գասպարյանին, Արտակ Իգիթյանին, Նիկ Էգիբյանին և այլոց:
