Ինչպես հայտնի է, երեկ երեկոյան Գ. Ծառուկյանը որոշակի գրավի դիմաց ազատ է արձակվել: Այսօր նա իր սոցհարթակում հանդես է եկել հայտարարությամբ:
Հիշեցնելով, որ ինքը մշտապես ակտիվորեն հետաքրքրվել է Հայաստանի ու Արցախ անվտանգության հարցերով, Գ. Ծառուկյանը տեղեկացրել է, որ շարունակելու է զբաղվել այդ հարցով:
Արձանագրելով իրավիճակի ճակատագրական լինելը՝ ԲՀԿ առաջնորդը նշել է, որ հիմա ժամանակն է մի կողմ թողնելու բոլոր ներքին անհամաձայնությունները՝ միավորելով ռեսուրսներն ու ներուժը՝ երկիրը այս դժվարին վիճակից դուրս բերելու համար:
Ինչպես հայտնի է, շատ կուսակցություններ ինքնակազմակերպվել և ջոկատներ են ուղարկել արցախյան առաջնային գիծ: Ցավակցություն հայտնելով մեր նահատակ հերոսների ընտանիքներին՝ ԲՀԿ առաջնորդն իր հայտարարության մեջ նշել է, որ ինքն անձամբ է գլխավորելու իրենց կուսակցական ջոկատը:
Գ. Ծառուկյանը վերահաստատել է այն հաստատուն գաղափարը, որ Արցախը չի լինելու ադրբեջանական կազմում, ապա և կոչ է արել կամավորագրվել ցանկացողներին՝ դիմել կուսակցության տարածքային կառույցներ:
«Սիրելի’ հայրենակիցներ, կուսակից ընկերներ, հարգելի՛ գործընկերներ.Անազատության մեջ գտնվելու օրերի ընթացքում չի եղել…
Опубликовано Gagik Tsarukyan Пятница, 23 октября 2020 г.
