Երգիչ Արամեն խիստ դատապարտում է ազգությամբ եզդի Հայաստանի չեմպիոն Ռոման Ամոյանի նկատմամբ իրականացված վերջին գործողությունները: Երգիչը կարծում է , որ այն չեմպիոնի հանդեպ, ով բազմիցս ծնկի է բերել մեզ թշնամի հակառակորդ մարզիկների և մեր դրոշը վերև բարձրացրել, չպետք է իրականացվեին նման գործողություններ:
Երգիչը հավելում է , որ մեր երկրում այլևս հեղինակավոր մարդիկ զրոյի են հավասարեցվել: Վերջում Արամեն խնդրում է իր գրառումը չքաղաքականացնել, քանի որ դա իր անձնական կարծիքն է: Հիշեցնենք , որ քիչ առաջ Ազգային Ժողովի հարակից տարածքից բերման ենթարկվեց չեմպիոն Ռոման Ամոյանը: Նա ԱԺ շենքի մոտ էր եկել՝ի աջակցությունը Գագիկ Ծառուկյանի:
Երգիչ Արամեի գրառումը իրարարամերժ կարծիքների բախման տեղիք է տվել. նրա գրառմանը կից քաղաքացիները մեկնաբանություններ են թողել. որոշները շնորհակալ են երգչին նման գրառման և չեմպիոնի հանդեպ այդ գործողությունները քննադատելու համար, իսկ մի մեծ զանգված էլ կարծում է , որ օրենքի առջև բոլորն են հավասար:Նրանք ողջունում այս օրերին Ոստիկանության և ԱԱԾ կողմից իրականացվող բոլոր գործողությունները:
Հանրությունը հաշված րոպեներ հետո կիմանա Ծառուկյանին որպես մեղադրյալ ներգրավելու որոշման մասին, իսկ մինչ այդ հաշվիչ հանձնաժողովը ամփոփում է քվեարկության արդյունքները , որն հենց նոր ավարտվեց:
