Հայտնի արտիստ Էդգար Իգիթյանը մեծ պատասխանատվությամբ ու սիրով ստանձնեց հայր լինելու պատասխանատվությունը։ Նրա առաջնեկը՝ Լեոնը, դարձել է Էդգարի երջանիկ ընտանիքի հիմնական ու գլխավոր ուրախությունը։
Էդգարը հայրական պարտականությունները ստանձնելու հենց ամենասկզբից մեծ լրջությամբ է զբաղվում փոքրիկի դաստիարակությամբ, քանի որ շատ է կարևորում դեռ վաղ մանկությունից երեխային ճիշտ ու բազմակողմանի դաստիարակություն տալու գաղափարը։
Էդգարը իր ազատ ժամանակը տրամադրում է ընտանիքին՝ կազմակերպելով ընտանեկան զբոսանքներ։ Դերասանը հերթական ընտանեկան զբոսանքն է կազմակերպել՝ այս անգամ որդու հետ այցելելով Կենդանաբանական այգի։
Կենդանաբանական այգու իրենց զբոսանքից ջերմ կադրեր է տեղադրել Էդգարն իր սոցհարթակում՝ արժանանալով իր հետևորդների սիրալիր ու սիրառատ արձագանքին։ Ինչպես երևում է կադրերից, փոքրիկ Լեոնը պարզապես վայելել է հայրիկի հետ աշնանային զբոսանքը։
Էդգարին ու Լեոնին մշտապես ուղեկցում է Էդգարի կինն ու Լեոնի մայրը՝ Լուսինեն, ով էլ ֆիքսում է հոր ու որդու ջերմ շփման ուշագրավ կադրերը։
