Ամենապարզ ու ամենամատչելի մթերային բաղադրիչների հետևյալ շարքով կարելի է ստանալ ժապավենի տեսք ունեցող այս համեղ բլիթները.
Ամանի մեջ յոգուրտի կամ մածնի ու հավկթի միավորմամբ ստանում ենք խառնուրդ, որը խառնելով հարկ է բերել համասեռության վիճակի:
Բուսայուղի, շաքարի, վանիլի ու կիրտրոնային քերուկի միավորմամբ մասսային վերջում ալրի ու փխրեցուցչի խառնուրդ ավելացնել՝ ստանալով խմորը. այն փափուկ ու չկպչուն պետք է լինի:
Հինգ միլիմետրանոց հաստությամբ շերտի ենք վերածում խմորը: Շրջանաձև կաղապարով կլորակներ ենք կտրատում շերտի ողջ տրամագծով:
Կլորակներից ժապավեններ կարելի է ստանալ հետևյալ կերպ. յուրաքանչյուր կլորակի եզրերին նկարում բերված օրինակով կտրվածքներ ենք անում:
Ընդամենը վեց կտրվածք ենք անում՝ ստանալով յոթ ձողիկ: Ձողիկներից մեկը բարձրացնում ենք, աջից ու ձախից իրար ենք միացնում հարակից ձողիկները՝ բարձրացրած ձողիկը դնելով վերևի հատվածում, իսկ ազատ մնացած ձողիկը պտտում ենք մեջտեղով:
Ժապավենները պատում ենք հավկթով՝ փոխադրելով ջեռոց:
