«Հանրապետություն» կուսակցության ներկայացուցիչներից Լյովա Եղիազարյանը բավականին ուշագրավ դիտարկումեր է արել իր էջում օրվա թեմաներից մեկի առնչությամբ:
Ինչպես հայտնի է, դատարանը որոշել է մոտ չորս միլիոն դոլար գումարի դիմաց միառժամանակ ազատ արձակել Ռ. Քոչարյանին՝ մինչ վերջնական որոշում կայացնելը:
Այս նորությունը մեծ ցավով ու անհանգստությամբ ընդունվեց հանրային շրջանակաների կողմից: Կիսելով մարդկանց անհանգստությունն ու մտահոգությունը՝ Լ. Եղիազարյանը գրել է, որ խուճապի կամ հուսահատության տրվել հարկավոր չէ, քանի որ ըստ ամենայնի տեղի ունեցածը ծուղակի է նման:
Ասածը փաստերով հիմնավորելով՝ Լ. Եղիազարյանը նշում է, որ նախ գումարը շատ մեծ է մեր երկրի համար, ուստի ԱԱԾ-ն պետք է անպայմանորեն ուսումնասիրի դրա ծագման աղբյուրը, հետո էլ՝ Ռ. Քոչարյանի իրավապաշտպանները բավականին մտահոգ էին ու առանձնապես ոգևորված չէին կայացված որոշմամբ:
Հետո նա նաև հիշեցնում է, որ հնարավոր է նաև, որ Վճռաբեկը բեկանի Վերաքննիչի որոշումը, ուստի հետևությունների հարցում շտապելու կարիք չկա:
