Այսօր Խորհրդարանում քննարկման է դրվել և ընդունվել օրենք, որով ռազմական դրության պայմաններում պետությունը որոշակի իրավունքներ է ստանում ֆիզիկական ու իրավաբանական անձանց գույքն ըստ անհրաժեշտության օգտագործելու համար:
Նախագիծն ընդունվել է համատարած կողմ, ոչ մի դեմ կամ ձեռնպահ քվեարկությամբ: Ինչպես սահմանվում է օրենքում, գույքը հետո ենթակա է վերադարձի: Սահմանվել է նաև համապատասխան փոխհատուցում:
Այս որոշմանն արդեն կամովին արձագանքել են տարբեր անձիք: Առաջին արձագանքողներից է Սիվիլնեթ լրատվականի լրագրող Թաթուլ Հակոբյանը, ով, իր սոցհարթակում հանրայնացնելով իր մեքենայի լուսանկարը, հայտարարել է, որ ինքնակամ իր մեքենան տրամադրում է պետությանը:
Նա իր արարքը մեկնաբանել է հետևյալ կերպ. իր ընտանեկան ավտոմեքենան նվիրում է իր մեծ ընտանիքին՝ Հայաստանին:
Նա նաև հանրայնացրել է ավտոմեքենայի գտնվելու վայրը, հասցեն և այն հեռախոսահամարը, որով կարել է կապ հաստատել ավտոմեքենան վերցնելու համար:
Թ. Հակոբյանի այս հայտարարությանը արձագանքել է Րաֆֆի Դուդակլյանը՝ հայտարարելով իր ընտանեկան ավտոմեքենան նվիրելու մասին:
