Լեհական կողմի նախաձեռնությամբ Սիրուշոն, հաղթահարելով համավարակային արգելանքները, կարողացավ ներկա գտնվել ու մասնակցել լեհական կարևոր երաժշտական միջոցառմանը:
Այս միջոցառման ժամանակ Սիրուշոյի ներկայությունն առիթ է հանդիսացել, որ լեհ երգչուհին հայ երգչուհու հետ հանդես գա դուետային կատարմամբ՝ երգելով հայերեն:
Նրանք նախ երգել են Սիրուշոյի վերջին երգը, որը գրված է հայկական էպոսի հիման վրա: Հետո նրանք նաև կատարել են հայտնի «Զոմա» երգը:
Խոսելով իր հետաքրքիր ուղևորության մասին՝ Սիրուշոն շնորհակալություն է հայտնել բոլոր նրանց, ովքեր իրեն աջակցել են այդ դժվարին նպատակը հաջողությամբ իրականություն դարձնելու ճանապարհին: Նա նախ հասել է Բելառուսի սահման, այնտեղից էլ ուղևորվել է Լեհաստան:
Մանրամասնելով խնդրի էությունը՝ երգչուհին նշել է, որ իր մեկնումը հնարավոր չէր լինի, եթե չմիջամտեին լեհական ու բելառուսական դեսպանատները, ինչի համար նա հատուկ շնորհակալություն է հայտնում բոլորին:
Հայ և լեհ երգչուհիների հետաքրքիր կատարման տեսանյութը կարող եք դիտել ստորև:
