Շիրակի մարզպետարանի պաշտոնական սոցցանցային էջը տեղեկացնում է, որ մարզը մթերային աջակցություն է ստացել ռուսաստանաբնակ հայերի միության կողմից:
Գրառման մեջ մարզպետարանը շնորհակալական խոսք է ուղղում աջակցության համար՝ նշելով, որ իրենք նպատակադրված են այն ուղղելու ներկա պահին առավել խոցելի համարվող խմբերին օգնելուն:
Ֆեյսբուքյան գրառման մեջ մանրամասնորեն տեղեկություն է տրվում, թե ինչպես է նախատեսվում բաշխել այդ օգնությունը: Հայտնի է, որ ուղարկվել է մոտ 200 փաթեթ: Նախատեսվում է մոտ 1500 փաթեթ տրամադրել գյուղական համայնքներին:
Մնացած հինգ հարյուր փաթեթից չորս հարյուրը նախատեսվում է տրամադրել մի կարևոր ծրագրի, որը կոչվում է «Պարենային շտապ օգնություն»:
Հարյուր փաթեթ էլ կտրամադրվի կույրերի միավորման մարզային ուսումնա-արտադրական ձեռնարկությանը, որը գտնվում է Գյումրիում:
Մարզպետարանի գրառմանն արձագանքել են շատ գյումրեցիներ՝ նշելով, որ ներկայումս շատ-շատերն ունեն նմանատիպ աջակցության կարիք և անհրաժեշտություն, ուստի այն տեղին է ու ժամանակին:
