Սամվել Ալեքսանյանը բավականին ուշագրավ հրապարակում է արել՝ Ն. Փաշինյանի նկատմամբ իր համակրական վերաբերմունքը հայտնելով:
Ստեղծված իրավիճակը 1918 թվականի իրավիճակի հետ համեմատելով ու որոշ նմանություններ տեսնելով (համաճարակ, պատերազմ)՝ Ս. Ալեքսանյանը վարչապետին Հովհաննես Քազազնունու հետ, քանի որ այն ժամանակ վարչապետ Հ. Քաջազնունին ևս օրնիբուն զբաղված էր երկրի խնդիրների լուծմամբ, իսկ նրա որդին պատերազմում էր:
Ս. Ալեքսանյանը հիացմունքով է լսել, որ վարչապետի կինն էլ է պատրաստվում գնալ ճակատ՝ զզվելի որակելով բոլոր նրանց պահվածքը, ովքեր ուզում են ամեն կերպ «նրա տակը փորել»:
Նա նաև նշել է, որ ինքը Փաշինյանի դեմ ոչինչ չունի, հակառակը, շնարհակալ է այն բոլոր բարելավումների համար, որոնք արել է Փաշինյանի կառավարությունը, ինչի շնորհիվ միջավայրն ավելի պարզեցվել է:
Հանրայնացնելով Ս. Ալեքսանյանի ուշագրավ հրապարակումը՝ լրագրող Հոգար Հայրապետյանը գրել է. » Ես իր ֆանատն եմ: Ու առհասարակ, իրան պետք է առնվազն Արտաքին գործերի նախարարի տեղակալ նշանակել: Էն որ ասում են՝ բնատուր դիվանագետ: Ինքը անգամ Ստամբուլում Սիթի կբացի ու անունը կդնի Երևան»:
