Դերասան Գոռ Մարտիրոսյանը, ով շատերին առավել հայտնի է որպես Ջամշոյան, երկրորդ անգամն է հայրիկ դարձել:
Գոռի տիկինը՝ Սյուզաննան, երկրորդ բալիկին պատրաստվում էր սեպտեմբերի սկզբին լույս աշխարհ բերել:
Չնայած բալիկը մի փոքր շտապել ու սպասվածից ավելի շուտ է ծնվել, սակայն նա անակնկալի չի բերել ծնողներին, քանի որ նրանք լիովին պատրաստ էին դիմավորել երկրորդ բալիկին:
Գոռի ու Սյուզաննայի առաջին զավակը տղա է, ում ծնողները Վարդան են անվանել: Մայրը փոքրիկ տղայի հետ է գնել երկրորդ երեխայի համար անհրաժեշտ մանկական պարագաները:
Սյուզաննան մինչ դստեր լույս աշխարհ գալը խոստովանել է, որ երեխայի սեռը նախապես իմանալ չեն ուզում, քանի որ իրենց համար կարևոր է առողջ բալիկ լինելը:
Երկրորդ երեխան աղջիկ է ծնվել, ում ծնողներն Անահիտ են անվանել:
Սյուզաննան և Գոռը մինչ Անահիտի լույս աշխարհ գալը հասցրել են վերանորոգել ու լիովին կահավորել իրենց նոր առանձնատունը՝ առանձնահատուկ ու հարմարավետ պայմաններում փոքրիկին դիմավորելու համար:
