Հանրահայտ արտիստ Սամվել Բաղինյանն այսօր նշում է ծննդյան տարեդարձը։ Արտիստը ծնունդով Իջևանից է։ Նա դպրոցական կրթությունը ստացել է ծննդավայրում, իսկ բարձրագույն արտիստական կրթությունը՝ Երևանում։
Թատերական ինստիտուտում ուսանելու տարիներին Սամվելը հանդիպել է Ջուլիետա Ստեփանյանի հետ, ում հետ էլ հետագայում կապել է կյանքը։
Արտիստական զույգը բավականին բազմաշերտ ու հետաքրքիր ընտանեկան կյանք է ապրել։ Ամուսինները մեծացրել են հրաշալի երեք աղջիկների, որոնցից յուրաքանչյուրն այսօր կայացած մարդ է։
Ս․ Բաղինյանի դուստրերից ավագը Շուշանիկն է, ով սովորել է Պարարվեստի ուսումնարանում։ Շուշանիկն ընտանիք է կազմել՝ ունենալով երեք զավակ։ Շուշանիկի ընտանիքն ապրում է Արցախում։
Ընտանիքի միջնեկը՝ Սաթենիկը, նույնպես Պարարվեստի ուսումնարանն է ավարտել։ Նա նույնպես ընտանիք ունի, երկու զավակ։ Սաթենիկի ընտանիքն էլ բնակվում է Լեհաստանում։
Ընտանիքի կրտսեր զավակը Արուսյակն է, ով միակն է, ով թատերական կրթություն է ստացել, սակայն ներկայուս աշխատում է Լեհաստանի դեսպանատանը։ Արուսյակը ևս երկու զավակների մայրիկ է։
