Ռուսաստանյան քիմտեխնոլոգիական համալսարանի գիտնականները հայտնել են կորոնավիրուսյան ախտի համավարակի ավարտի ժամկետները։ Նրանց հաշվարկներով՝ դա տեղի կունենա հուլիսին։ Մասնագետներն ստեղծել են մաթեմատիկական մոդել, որի համաձայն պանդեմիային վիճակի ավարտին երկրում վարակված կլինի հինգ հարյուր քսանչորս մարդ։
Միաժամանակ, փորձագետները չեն բացառում քովիդային ախտի նոր ալիքի տարածումը՝ կապված տարածաշրջաններում սահմանափակումների վերացման հետ։ Այլ կանխատեսմամբ՝ Սինգապուրյան տեխնոլոգիաների և դիզայնի համալսարանի մասնագետները նշել են՝ իրենց կանխատեսմամբ համավարակային իրավիճակը կավարտվի միայն օգոստոսի վերջին։
Նշենք՝ աշխարհում կորոնավիրուսյան ախտի հաստատված դեպքերի թիվը հասել է յոթ միլիոն հինգ հարյուր իննսունյոթ հազարի, մահացածների թիվը չորս հարյուր քսանչորս հազար է, հայտնում է Worldometer-ը։ Վարակային ախտի տարածման ցուցանիշով առաջատարն ԱՄՆ-ն, Բրազիլիան և Ռուսաստանը։ Նահանգներում կորոնավիրուսյան ախտը հաստատվել է ավելի քան երկու միլիոն մարդու մոտ, մահացել է հարյուր տասնվեց հազարը։
Բրազիլիայում վարակված է ութ հարյուր հինգ հազար հոգի, մահացել է քառասունմեկ հազարը։ Ռուսաստանում ախտը հաստատվել է հինգ հարյուր երկու հազարի մոտ, մահացել է վեց հազար հինգ հարյուր մարդ։ Առաջատար տասնյակում է նաև Հնդկաստանը, Մեծ Բրիտանիան, Իսպանիան, Իտալիան, Պերուն, Գերմանիան և Իրանը։
