Մարտին Մկրտչյանը օրերս մի շատ զվարճալի տեսանյութ էր տեղադրել իր տղայի մասնակցությամբ։ Տեսանյութն արվել էր մեքենայի մեջ։ Ութամյա Լեոն հայրիկին խորհուրդ էր տալիս, թե ինչ տոնայնությամբ կարելի է երգել նոր երգի մի որոշակի հատված։
Այսօր արդեն Մարտինը ներկայացրել է իր նոր երգը՝ գրելով, որ այն ձայնագրելիս հաշվի է առել իր տղայի տված բոլոր խորհուրդները։ Մարտինի նոր երգի վերնագիրն է «Գծի պես սիրահարվել եմ»։
Երգը, ինչպես հասկանալի է վերնագրից, սիրային թեմատիկայով է։ Այն բավականին ակտիվ ու մեղեդային ստեղծագործություն է, որի երաժշտությունը հեղինակել է Ռիչարդ Մադլենյանն է, իսկ խոսքերը գրել է Գրիգոր Կյոկչյանը։
Երգին զուգահեռ ներկայացվում է հետաքրքիր տեսահոլովակ, որի ռեժիսորը Նարբեհ Խոդավերդին է՝ Հրաչ Մուրադյանի աներձագը, ով բավականին հայտնի ռեժիսոր է ամերիկահայերի միջավայրում։
Երգի գործիքավորումը Կարեն Սևակինն է։ Մարտինի ներկայացրած նոր գործի պրեմիերան կարող եք ունկնդրել ստորև կցված նյութի մեջ։
