Ինչպես հայտնի է, այս օրերին շատ են սահմանային գոտի ուղարկվող մթերքները՝ հատուկ ուղերձ-գրություններով: Մեր սահմանապահ հերոսները կատակով սնիկերսներ էին ուզել, որոնցով միմյանց հետ գրազ պիտի գային:
Հայուհիներն էլ առանց խնայելու մեծ քանակությամբ սնիկերսներ ու ծխախոտներ են ուղարկել՝ դրանց վրա իրենց բարեմաղթանքներն ու ցանկությունները գրելով:
Հատկանշական է, որ սնիկերսների վրա հաճախ նաև կրեատիվ ու հումորային գրվածքներ են հանդիպում, որոնք միաժամանակ ոգևորում են այն զինվորներին, ովքեր ստանում են քաղցրավենիքը: Այս գեղեցիկ դրվագը խոսում է հայ մտքի ստեղծագործ ու պայծառ լինելու մասին:
Սնիկերս է ստացել նաև երաժիշտ Արսեն Սաֆարյանը, ով լուսանկարվել է սնիկերսի հետ՝ գրելով, որ իրենք անպայմանորեն վերադառնալու են, որ սնիկերսներ ուղարկողներին հազարապատիկ շատ սնիկերսներ նվիրեն:
Իսկ Ա. Սաֆարյանին հասած սնիկերսի վրա գրված է հետևյալը. «Եկեք, որ դուք էլ մեր համար եք սնիկերս առնելու»: Երաժիշտը խոստանում է վերադառնալիս սնիկերսի հետ տալ նաև ջերմություն ու սեր:
