«Նայում եմ կորոնավիրուսի դեպքերը Հայաստանում և Վրաստանում…»

Ինչպես արդեն հասկանալի է, աշնան կեսից սկսվել է համավարակի տարածման երկրորդ փուլը, երկրորդ բռնկումը: Համավարակի առաջին շրջանի ժամանակ հաճախ էր օրինակ բերվում հարևան Վրաստանի առողջապահական համակարգը:

Շատ գործիչներ էլ հանդես եկան քննիչ հանձնաժողովի ստեղծման առաջարկներով՝ կասկածի տակ դնելով առողջապահական գործող համակարգի արդյունավետությունը:

Սակայն ի տարբերություն համավարակի տարածման առաջին շրջանի՝ երկրորդ շրջանը հարևան Վրաստանում նույն կերպով չի ընթանում. այս անգամ այնտեղ համավարակը բավականին ակտիվ է տարածվում:

Այս մասին Լյովա Եղիազարյանը գրում է. «Նայում եմ կորոնավիրուսի դեպքերը Հայաստանում և Վրաստանում: Վրաստանում դեպքերը ավելին են, քան մեզ մոտ:

Հիշու՞մ եք՝ ինչ վայնասուն էին բարձրացրել ամիսներ առաջ՝ անընդհատ վկայակոչում էին հարևան երկիրը, հրաժարականներ էին պահանջում, քննիչ հանձնաժողով էին ստեղծում: Դե, ձայն հանեք:

Կորոնային էլ կհաղթենք, պատերազմն էլ կհաղթենք, ձեզանից կմնան միայն դառը հիշողություններ»,- հրապարակումն ավարտել է Լյովա Եղիազարյանը:

Понравилась статья? Поделиться с друзьями: