Օգտվելով տաք եղանակի ընձեռած հնարավորություններից, շատերը փորձում են ընտանեկան միջավայրում վայելել բնության և արևի ջերմությունը՝ աշխատանքային գործունեության մեկնարկից առաջ լիցքավորվելով:
Համավարակային սահմանափալումները և սահմանների փակ լինելու փաստը առիթ ու պատճառ է դարձել, որ շատերը արտասահմանյան հանգստի փոխարեն հայաստանյան վայրեր այցելեն՝ նորովի բացահայտելով հայրենի երկրի գողտրիկ, հետաքրքիր ու չքնաղ անկյունները, որոնք մինչ այդ այնքան էլ հայտնի չէին շատերի համար:
Այս առումով բացառություն չէ նաև նախարար Հ. Արշակյանը, ով այս տարի հիմնականում աշխատանքային բուռն գործունեության մեջ է եղել: Մասնագիտական ու աշխատանքային հրապարակումներով հարուստ նախարարի էջում այսօր պայծառ լուսանկար է տեղադրվել Գեղարքունիքի գեղատեսիլ վայրերից:
Նախարարի հանրայնացրած լուսանկարից ու կցված մեկնաբանությունից հայտնի է դառնում, որ նախարարն իր ընտանիքի հետ գտնվում է Գեղամա սարերի գրկում՝ կապուտաչյա գեղեցկուհի Սևանի կողքին:
Նախարարն իր բալիկների հետ բնության գրկում մի կադր է անմահացրել՝ տեղադրելով իր էջում և հիացական խոսքեր գրելով հետևի ֆոնին երևացող գեղեցիկ Սևանի մասին:
