Ա. Հովհաննիսյանն իր ինաստագրամյան հարթակում կարևորագույն ու նշանավոր իրադարձության մասին տեղեկություն է հանրայնացրել: Նա ուրախությամբ հայտնել է, որ սույն տարվա աշնանը՝ սեպտեմբերի 21-ին, մի չափազանց կարևոր իրադարձություն է սպասվում:
Սեպտեմբերի 21-ին Լաս Վեգասի փառքի ճեմուղու վրա տեղադրվելու է աստղ, որը կրելու է Արման Հովհաննիսյանի անունը: Ինչպես հայտնի է, այդ օրը կարևորագույն խորհուրդ ունեցող օրերից է հայ ազգի նորօրյա պատմության մեջ:
Արմանն առաջին հայաստանցի երգիչն է, ով այսօրինակ պատվի է արժանանում: Երգիչն այս մասին տեղեկացնող նյութ տեղադրելով՝ նշել է, որ այս հաջողության մեջ մեծ ու նշանակալի է իր երկրպագուների, իր երգի սիրահարների դերը:
Նշելով, որ իր հանդիսատեսն է իր ամենագլխավոր հաղթանակն ու ձեռքբերումը՝ երգիչը խոստանում է իր բոլոր հաջողությունները կիսել նախ և առաջ հենց իր հանդիսատեսի հետ:
Երգիչը շնորհակալություն է հայտնել բոլոր նրանց, ում ընկերական աստղի փայլի տակ է անցնում իր կյանքը:
