Ամառային հանգստից ուշագրավ կադրերի պակաս համացանցային տիրույթում չկա: Գունագեղ ու հետաքրքիր կադրեր են հանրայնացվում տարբեր օգտատերերի կողմից:
Ակտիվությամբ հետ չեն մնում նաև հանրային հայտնի դեմքերն ու գործիչները: Եթե նախկինում շատերը խուսափում էին իրենց կենցաղային մանրամասները հրապարակելուց, ապա հիմա քչերն են կաշկանդվում այդ հարցում:
Համացանցում հետաքրքրաշարժ կադրեր են հանրայնացվել ճանաչված գործիչ Ս. Կարապետյանի ընտանեկան գեղեցիկ հանգստից:
Ընդ որում, հանրայնացնողները հենց նրա ընտանիքի անդամներն են՝ տիկինը՝ Էթրին, և դուստրը: Հայտնի է, որ ընտանիքի բոլոր անդամներով այս օրերին խորվաթական չքնաղ ծովափնյա մի խաղաղ վայրում են:
Լուսանկարներում ու հանրայնացված կադրերում երևում է, թե ինչ հանդարտ, գեղեցիկ ու անդորրավետ միջավայրում են անցկացնում իրենց օգոստոսյան օրերը Կարապետյանները:
Ցերեկային ակտիվ զբոսանքներն ու ջրային տեսարանները փոխարինվում են ծովափնյա մեղմ երեկոներով, իսկ գեղեցիկ կադրերը հանրայնացվում են սոցցանցային էջերում: Էթերին իր ինստագրամյան հարթակում հանրայնացրած լուսանկարներից մեկում սիրելի ամուսնու հետ է գրկախառնված:
