Համահայկական մեծ ոգու պոռթկման հզոր ալիքի ականատես ենք լինում այս օրերին, որը միայն հիացմունքի է արժանի, սակայն լինում են այս դրվագի հետ կապված նաև խնդրահարույց կետեր, որոնց անդրադարձել է Մեդիա ոլորտի փորձագետ Ս. Մարտիրոսյանը:
Ս. Մարտիրոսյանը հորդորում է Տիկ-Տոկում և այլ սոցիալական հարթակներում խուսափել սահման մեկնել պատրաստվող ավտոբուսների նկարել, տեղադրել սոցհարթակ, քանի որ դրանք գտնվում են նաև հակառակորդ կողմի հսկողության ներքո:
Մասնագետը չի բացառում, որ դա կարող է ունենալ վատ հետևանք, քանի որ հակառակորդի համար այդպիսով դժվար չի լինի ըստ ավտոբուսի գույնի ու տեսքի ֆիքսել ավտոբուսն ու ճանապարհին փորձել խոչընդոտել դրա երթուղու շարունակությունը:
Փորձագետը հիշեցնում է, որ հայկական սահմանին, Վարդենիսի տարածքում այսօր ևս գտնվել է խոցված անօդաչու սարք, ինչի նպատակը ենթադրելի է, որ հենց ավտոբուսներին ֆիքսելն է եղել:
Ս. Մարտիրոսյանի նախազգուշական հորդորը ներկայացնող նյութը բերված է վարը:
