Սաքունց եղբայրները՝ Յուրին և Արթուրը, Ստեփանակերտից են: Եղբայրները սեպտեմբերի երկուսին նոր ռեկորդակիրներ են դարձել՝ գրանցելով այն համաշխարհային ու Գինեսի ռեկորդների ցուցակում:
Եղբայրներից Յուրին կարողացել է տեղից շարժել 4 տոննա հարյուր կիլոգրամ կշիռ ունեցող Համեր մակնիշի հսկայական ավտոմեքենան: Ընդ որում, Յուրին դա կարողացել է անել գլխիվայր՝ հենվելով ձեռքերի վրա: Յուրին մեքենան շարժել է ատամներով քաշելով:
Սաքունց մյուս եղբայրը՝ Արթուրը, կարողացել է դարձյալ ատամներով քաշել ու տեղից շարժել արդեն տասներկու տոննա կշիռ ունեցող ավտոբուսը՝ դարձյալ ռեկորդ սահմանելով:
Տղաներն այս ռեկորդը իրացրել են Արցախի մայրաքաղաք Ստեփանակերտի Ս. Շահումյանի անունը կրող մարզադաշտում: Այս մասին տեղեկություն է հանրայնացրել Կամո Թովմասյան օգտատերը:
Ռեկորդի գրանցմանը ներկա են եղել բարձրաստիճան պաշտոնատար անձիք Արցախից և Հայաստանից. այստեղ են նախագահ Ա. Հարությունյանը, Ա. Միրզոյանն ու այլ պաշտոնատար անձիք:
Կ. Թովմասյանը նաև ռեկորդի ընթացքից ուշագրավ լուսանկարներ է հանրայնացրել, որոնք մենք ներկայացնում ենք կից:
