Հայոց մերօրյա առյուծների մասին անհնար է խոսել առանց ներքին հպարտության: Նրանք առաջ են բերել միջազգային հեղինակավոր ռազմական փորձագետների հարգանքն ու հիացմունքը:
Հենց նրանց քաջասիրտ ու առյուծային պահվածքն է, որ այս կարևոր ու ճակատագրական օրերին թև է տալիս բոլորին՝ ստիպելով հավատալ առաջիկա հաղթանակին:
Շուշան Ստեփանյանը հանրայնացրել է առաջնագծում հաստատակամ ու վստահ կանգնած մեր տղաների նոր լուսանկարները, որոնցում երևում է նրանց պայծառ տրամադրությունն ու հաստատակամությունը: Դրանք որսացել է Սիփան Գյուլումյանը
Բոլոր կադրերում էլ ակնհայտ երևում է, թե ինչպես են եղբայրաբար իրա վերաբերվող մեր հերոսական տղաները սատար կանգնում միմյանց: Մի դեպքում իրար ծխախոտ են հյուրասիրում:
Մեկ այլ դեպքում օգնում են իրար տեխնիկան գործի գցելու, կարգավորելու հարցում: Մեկ այլ դեպքում էլ պարզապես խորհրդակցում են իրար հետ:
Հզոր ոգու, խիզախության հետ միասին հատկանշական է մի կարևոր հանգամանք ևս. չնայած պատերազմական իրարանցումին, թոհուբոհին՝ հայ զինվորը մշտապես կոկիկ ու մաքրասեր է, կազմակերպված ու անթերի:
