Հայտնի երգիչներից Ռազմիկ Ամյանը գեղեցիկ նորությամբ է հանդես եկել՝ նոր ստեղծագործություն ներկայացնելով։ Երգը վերնագրված է «Աննման»։ Երգի երաժշտության հեղինակը հենց երգիչն է՝ Ռազմիկը։
Երգը շատ նուրբ ու գեղեցիկ զգացողություններ է փոխանցել, շատերն են հասցրել ունկնդրել, սիրել և դրական արտահայտվել ստեղծագործության մասին՝ ասելով, որ երգը շարունակ լսելով չեն հագենում, չեն հոգնում։
Երգի յութուբյան թողարկման ներքո եղել են նաև օտարերկրյա օգտատերերի մեկնաբանություններ։ Մարդիկ գրել են, որ չնայած հայերեն չգիտեն և չեն հասկանում երգի բառերի իմաստը, բայց սիրով են լսում ստեղծագործությունը։
Երգի խոսքերը համահեղինակային են․ խոսքերը մշակվել և վերջնական տեսքի է բերվել Ռ․ Ամյանի և Գր․ Կյոկչյանի համատեղ ջանքերի շնորհիվ։ Աշխատանքը դեռևս առանց տեսահոլովակի է ներկայացվել։
Ռ․ Ամյանի ներկայացրած նոր գործը, որ սիրային բնյութի է, կարող եք դիտել և գնահատել ստորև կցված նյութի մեջ՝ թողնելով նաև ձեր կարծիքը։
