Վերջին շջանում սիրված երգչուհի Սիլվա Հակոբյանը աշխատանքային բուռն գործունեության մեջ է։ Երգչուհին հերթական նոր երգն է ներկայացրել։ Երգը կոչվում է «Հարսանիքն է ձեր»։
Խոսքերի հեղինակը Սիլվայի քույրն է՝ Մանե Հակոբյանը, իսկ երաժշտությունը պատկանում է Էդգար Հակոբյանին։ Այն հայկական գեղեցիկ ելևէջներով երգ է, որը նվիրված է ամուսանացող զույգերին, հատկապես՝ հարսիկներին և փեսաներին։
Երգը սկսվում է հարսին և փեսային ուղղված գովեստի խոսքերով, այնուհետև ուղեկցվում ամուսնացող զույգի ջերմ մաղթանքներով։ Ենթադրաբար այն կսկսի հարսանյաց հանդեսների անբաժանելի մասը դառնալ։
«Հալալ է ձեր ծնողներին, ձեզ լույս աշխարհ բերողներին։ Հա՛մ պարեք, հա՛մ քեֆ արեք հարսանիքն է ձեր․․․Ուրախության մեջ լինեք․․․»,- երգչուհին չի մոռացել նաև հարս ու փեսայի ծնողներին։
Երգը Սիլվան հրապարակել է ժամեր առաջ և կից կրել․ «Սիրելի՛ հետևորդներ, ուզում եմ ձեզ ներկայացնել իմ նոր երգը։ Լսեք, հնարավորինս շատ տարածեք ու չմոռանաք գրել նաև ձեր կարծիքը»։
