Սոֆի Մխեյանը նոր տեսահոլովակով է հանդես եկել, որը ստեղծվել է հայտնի ժողովրդական երգի նորովի կատարման հիման վրա: Երգը կոչվում է «Ապարան», այն գեղեցիկ հայրենասիրական գործ է, որի խոսքերի հեղինակը մինչ հիմա դեռևս անհայտ է:
Ս. Մխեյանն իր տեսահոլովակին կից տեղեկացրել է, որ երգի երաժշտության հեղինակը Ժորա Գրիգորյանն է: Երգը ներկայացնում է ավելի քան հարյուր տարվա պատմություն ունեցող ապարանյան դեպքերի գեղարվեստական նկարագրությունը:
Երգչուհին երգը վերանայել և նորովի է ներկայացրել հենց մայիսյան հերոսական դեպքերի խորհուրդը նշանավորող տոներին ընդառաջ: Երգչուհու խրոխտ կատարման կերպը միանգամայն համապատասխանում է երգում արծարծվող ոգուն:
Նշենք, որ երգչուհին առանձնահատուկ վերաբերմունք ունի մեր պատմության հերոսական դրվագներին անդրադարձող ստեղծագործությունների նկատմամբ և սա նրա միակ այսօրինակ երգի կատարման դեպքը չէ: Նա այլ գեղեցիկ հայրենասիրական կատարումներ էլ է ժամանակին ներկայացրել:
Երգը կարող եք վայելել ստորև:
