Մեր իրականության պայծառ կերպաներից էր Երվանդ Ենգիբարյանը, ով ցավալիորեն քիչ ապրեց՝ թողնելով անսահման ափսոսանք ու գեղեցիկ հիշողություններ:
Երվանդը ծնվել է հոկտեմբերի 21-ին՝ Երևանում: Դպրոցական կրթությունից հետո նա սովորել է Ռուսական դրամատիկական թատրոնին կից դերասանական բաժնում: Դերասանական կրթությունից հետո նա սովորել է նաև Թատերական ինստիտուտի ռեժիսուրայի բաժնում:
Ուսանողական տարիներից նա սկսել է անել առաջին մասնագիտական քայլերը՝ նկարահանվելով ֆիլմերում: Թատերական արվեստի հանդեպ Երվանդի սերը փոխանցվել է հորից: Նրա հայրը վաստակավոր արտիստ Ժակ Ենգիբարյանն է:
Երվանդ Ենգիբարյանն իրեն կարողանում էր լավագույս դրսևորել և՛ ֆիլմերում, և՛ թատերական ներկայացումներում, ինչի պատճառով էլ արժանացել է պատվավոր «Արտավազդ» մրցանակին:
Պայծառ ու տաղանդավոր երիտասարդի կյանքի գեղեցիկ ու մշակույթով լի ուղին ճակատագրի դառը հեգնանքով ընդհատվել է հենց նրա ծննդյան օրվա ուշ գիշերին:
Նա ուշ երեկոյան վթարի է ենթարկվել: Նրա կյանքը փրկել չի հաջողվել:
