Վրաստանում հայկական դեսպանությունը կարևոր հայտարարություն է հրապարակել հայենիք վերադառնալ ցանկացողների համար: Հայտարարության մեջ նշվում է, որ այսուհետ այլևս չի գործելու տեղաշարժի սահմանափակումները Մառնեուլի շրջանի անցակետի նկատմամբ:
Երեկվանից վրացական տարածքում գտնվող հայաստանցիները կարող են առանց խոչընդոտի վերադառնալ հայրենիք՝ օգտվելով Սադախլոյի անցակետից: Տեղաարժի թույլտվությունը սահմանված է առավոտյան ժամը տասին մինչև երեկոյան վեցն ընկած հատվածում:
Դեսպանությունը միաժամանակ տեղեկացնում է, որ դեռևս արգելված է Լարսով մուտքը վրացական տարածք:
Դեսպանության մեկ այլ հայտարարությունից իմանում ենք նաև, որ երեկ արդեն Հայաստան են ուղարկվել հայրենիք վերադառնալ ցանկացողների մի խումբ, որը թվով արդեն վեցերորդն է համարվում:
Հայաստանի այն քաղաքացիները, ովքեր ունեն անչափահաս ոչ Հայաստանի քաղաքացի երեխաներ, որոնց նույնպես ուզում են տեղափոխել, կարող են անխոչընդոտ տեղափոխել ծննդյան վկայականի առկայության դեպքում, որով կհաստատվի, որ տեղափոխողը մայրն է:
Դեռ հնարավոր չէ նույնիսկ անձնական տրանսպորտային միջոցներով այլ երկրներից, մասնավորապես Ռուսաստանից Վրաստանի տարածքով Հայաստան վերադառնալ: Հնարավոր փոփոխությունների մասին կհայտարարվի առանձին:
