Սիլվա Հակոբյանը նոր ոգեղեն երգ է ներկայացրել իր ունկնդիրների դատին՝ գրելով. «Տղերքը զենքով,Հայ ազգի ոգով,ես էլ իմ երգով…»
Երգը վերնագրված է՝ «Ղարաբաղը մերն է»: Այն բոլորովին նոր ստեղծագործություն է և ծնվել է հենց մեր ժամանակներում և մեր ժամանակների համար է:
Երգում երգչուհին բարձրաձայնում է ակնհայտ ճշմարտություններ այն մասին, որ Արցախը հայկական է, իսկ ներկայիս պայքարում մենք անպայմանորեն հաղթելու ենք՝ վերջ դնելով այս ամենին:
Ներկայացվող նոր գործի երաժշտության ու խոսքերի հեղինակը Սիլվայի քույրիկն է՝ Մանե Հակոբյանը: Երգը բավականին հետաքրքիր գործիքավորում ունի, որն էլ փոխանցում է ասելիքի հզորությունն ու հայրենասիրական ոգին:
Երաժշտության մեջ հնրում են հայկական ժողովրդական գործիքներից դհոլ, դուդուկ, զուռնա: Գևորգ Կարապետյանը հնչեցնում է զուռնան ու դուդուկը, իսկ Կարո և Էդգար Կարապետյանները հնչեցնում են դհոլը:
Ս. Հակոբյանի նոր, ոգեղեն գործը, որը նորօրյա տրամադրություններ է փոխանցում, կարող եք ունկնդրել վարը:
