Ա. Գասպարյանը մեր կինոյի ու թատրոնի ամենաինքնատիպ կերպարներից մեկն է: Ծնվելով Երևանում՝ դերասանը միջնակարգ կրթություն է ստացել Արթիկում: Դպրոցի ուսումնառությունն ավարտելուց հետո Ա. Գասպարյանն ընդունվել և սովորել է Թատերական ինստիտուտում:
Վարդան Աճեմյանի արվեստանոցում ստանալով դերասանական կրթություն՝ 1970-ական թվականներից սկսել է զբաղվել մասնագիտական գործունեությամբ՝ աշխատելով տարբեր թատրոններում:
Տարբեր տարիներին իր անկրկնելի մասնակցությունն է բերել մի շարք հայրենական արտադրության ֆիլմերում՝ ֆիլմն իր ներկայությամբ առավել հիշարժան դարձնելով:
Ա. Գասպարյանն ընդհանուր առմամբ հանդես է եկել քսանից ավել ֆիլմերում և երեսունից ավել բեմադրություններում:
Սիրելի դերասանը ճանաչված և պահանջված է եղել նաև սփյուռքում բնակվող մեր հայրենակիցների համար: Այդ էր պատճառը, որ նա հաճախ հյուրախաղերի էր մեկնում արտերկիր:
Արդեն ութ տարի է, սիրելի դերասանը ֆիզիկապես բացակայում է մեր միջավայրից: Նա կյանքին հրաժեշտ է տվել վաթսունինը տարեկան հասակում՝ հիվանդանոցային պայմաններում:
