Այսօր տաղանդավոր դերասան Ալբերտ Սաֆարյանի ծննդյան օրն է. լուսանկարներ

Տաղանդավոր արտիստ Ա. Սաֆարյանը նշում է ծննդյան հիսունյոթամյա հոբելյանը: Ա. Սաֆարյանը մեր դերասանական ոլորտի ամենից ինքնատիպ ներկայացուցիչներից մեկն է: Նա բոլորից տարբերվող կերպար է:

Ա. Սաֆարյանը ծնվել է Թիֆլիսում: Նա սովորել է տեղի պետական թատերական ակադեմիայում: Ուսումն ավարտելուց հետո աշխատանքի է անցել թիֆլիսյան Պ. Ադամյանի անվան թատրոնում:

Նա փայլուն մասնակցություն է ունեցել մի շարք ստացված ներկայացումներում, իր հրաշալի խաղով նպաստել ներկայացումների կայացմանը՝ միաժամանակ արժանանալով մի շարք հեղինակավոր ու նշանակալից պարգևների:

1996 թվականից Ա. Սաֆարյանն ապրում և գործում է Հայաստանում: Այստեղ ևս նա հաջողությամբ շարունակել է իր մասնագիտական բեղուն ուղին: Խաղալով տարատեսակ ներկայացումներում, ֆիլմերում ու հեռսուստասերիալներում՝ նա արժանացել է նաև վաստակավոր արտիստի կոչման:

Այսօր Ա. Սաֆարյանի սոցցանցային էջը ողողված է շնորհավորական ջերմագին խոսքերով ու բարեմաղթանքներով: Դերասանին շնորհավորում են մտերիմները, ընկերներն ու գործընկերները, ինչպես նաև նրա արվեստի հետևորդներն ու երկրպագուները:

Понравилась статья? Поделиться с друзьями: