Արման Մարգարյանը ծնվել և մեծացել է բեմի հետ կապված մարդկանց ընտանիքում: Նրա տատիկն ու մայրը հայտնի ու սիրված դերասաններ են: Թերևս շատերը գիտեն դերասանուհիներ Էլվիրա և Նաիրա Շահիրյաններին:
Դեռ փոքրուց Արմանը ներգրավված է եղել մայրիկի վարած «Բարի գիշեր» հաղորդման մեջ: Նա զուգահեռ նաև գովազդային հոլովակներում է նկարվել:
Արմանն իսկզբանե երազում էր երգիչ դառնալ, սակայն ի վերջո ստանում է դերասանի մասնագիտություն, իսկ կյանքի ուղին նրան դեպի հաղորդավարության ոլորտ է բերում:
Արմանի հայրը երաժիշտ է ու նկարիչ: Հայրական գիծը շարունակել է Արմանից տասը տարի փոքր եղբայրը՝ Արենը, ով հիմա ռոք երաժշտությամբ է զբաղվում ու դեջեյ է:
Արմանին հանրահռչակում է բերել «Ալֆրեդի սենյակը» հայտնի հեռուստանախագիծը: Այստեղից սկսվում է Արմանի հայտնիության ուղին, որը նրան հետաքրքիր արահետներով է տանում:
Արմանն ունի տասնչորսամյա զավակ, ում անունն Անրի է: Արմանը որդու հետ գտնվում է շատ ընկերական հարաբերությունների մեջ:
