Մարտ Բաբայանը շոու-բիզնեսյան ասպարեզում միառժամանակյա պասիվությունից հետո վերադարձել է ակտիվ ստեղծագործական շրջափուլ: Նա նորից նոր երգ է ներկայացրել, որն այս անգամ դուետային կատարում է:
Մ. Բաբայանը հանդես է եկել Աֆինայի հետ՝ կատարելով նոր «Жар птица» վերնագրով երգ: Երգի երաժշտությունը հեղինակել է անձամբ Մարտ Բաբայանը: Խոսքերը պատկանում են Կամետա Բերսանովային: Երգը, ինչպես Մ. Բաբայանի մյուս կատարումների դեպքում, այս անգամ ևս ռուսերենով է:
Հոլովակը մշակել է Վիտալի Սուվորովը: Այն գլխավորապես կառուցված է անիմացիոն սկզբունքով՝ մշակված լուսանկարների, հետաքրքիր կոլաժների հիման վրա: Լուսանկարներով ստեղծվել է երգին համահունչ սիրային պատմության պատկերը:
Երգը գնչուկան էլեմենտներ պարունակող հետաքրքիր ստեղծագործություն է, որը սիրո մասին է: Եթերային սիրելի էակի մասին է ստեղծագործությունը: Այն շատ ջերմ ու ռիթմիկ նոտաներ ունի և բարձրացնում է ունկնդրի տրամադրությունը, առաջացնում է պարելու ցանկություն:
Մարտ Բաբայանի և Աֆինայի այս հրաշալի կատարումը կարող եք վայելել ստորև: