Ամուսին և կին հարաբերություններում ինչպես վիճաբանությունները, այնպես էլ կատակներն ու զավեշտը օրվա անբաժան մասն են կազմում։ Ներկայացնում ենք մի պատմություն, որտեղ ամուսինը ցանկացել է փորձել կնոջը կամ կատակել և ի պատասխան հայտնվել է ծիծաղելի դրության մեջ։
Եվ այսպես, ամուսինը որոշում է կատակել կնոջ հետ. նամակ է գրում նրան և թողնում այն սեղանին. «Լա՛վ մնա, ես այլևս չեմ ցանկանում քեզ հետ ապրել։ Մի՛ սպասիր ինձ, ես հեռանում եմ»։Այնուհետև թաքնվում է մահճակալի տակ և սկսում այնտեղից հետևել։
Որոշ ժամանակ անց կինը տուն է գալիս, նամակը կարդում , վերցնում հեռախոսը և զանգում. «Ես արդեն ազատ եմ, Վիտյա՛, կարող ենք հանդիպել, հասցեդ ասա՛»։ Կինը հասցեն գրում է նամակի վրա, ապա դուրս գալիս տանից։
Ամուսինն արագ մահճակալի տակից դուրս է գալիս և մոտենում նամակին, որպեսզի շտապ հասցեն իմանա, բայց այնտեղ այլ բան էր գրված. «Աշխարհում ավելի հիմար մարդ չգիտեմ։ Ես խանութ եմ գնացել, մեծն կատակասե՛ր, պահմտոցի խաղալիս էլ ոտքերդ լա՛վ թաքցրու»։