Ցավալի նորություն է հանրայնացվել առ այն, որ կյանքից հեռացել է տաղանդաշատ արտիստ Ռուբեն Կարապետյանը, ով այս տարի պետք է բոլորեր ծննդյան յոթանասունհինգ տարին։
Ռ․ Կարապետյանը Թատերական ինստիտուտում մասնագիտական կրթություն ստանալուց անմիջապես հետո և դրանից հետո տարիներ շարունակ հանդես է եկել Դրամատիկական թատրոնի բեմից՝ կերտելով դրամատիկ ու տիպային կերպարներ։
Նրա կերտած կերպարները աչքի են ընկել իրենց հոգեբանական խորությամբ ու լայնախոհությամբ։ Իր դերասանական գործունեության համար արտիստն ըստ արժանվույն գնահատվել ու պարգևատրվել է ժամանակին։
Դեռ տարիներ առաջ՝ 2017 թվականին Դրամատիկական թատրոնի ողջ անձնակազմը տոնական կերպով շնորհավորել էր սիրելի գործընկերոջ յոթանասուն տարին՝ նրան գնահատանիք խոսքեր և ծաղիկներ նվիրելով։
Գործընկերները Ռ․ Կարապետյանին ճանաչում են որպես միամիտ, սակայն շատ արդարամիտ, ուղղամիտ ու ճշմարտախոս մարդու, ով չի երկնչի և անարդարության դեպքում անպայման կբարձրաձայնի այդ մասին։
Ռ․ Կարապետյանը դեռ բոլորովին վերջերս բեմում էր և շարունակում էր խաղալ ու ներկայանալ հանդիսատեսին։
