Այսօր մեծ ցավով տեղեկացանք գեղեցկության մրցույթի հաղթող, գեղեցիկ ու երիտասարդ հայուհիներից մեկի՝ Անահիտ Աբաջյանի վաղաժամ մահվան մասին: Անահիտը Ախալքալաքի բնակչուհի էր, ով մտերիմներին հայտնի էր որպես պայծառ աղջնակ: Նա, չնայած ֆիզիկական խնդիրներին, 2012 թվականին հաղթել է գեղեցկության մրցույթը՝ արժանանալով գեղեցկուհու տիտղոսին:
Նա մշտապես ակտիվորեն արձագանքում էր հասարակական գործունեությանը, քաջալերում հաշմանդամություն ունեցող աղջիկներին, ովքեր ցանկանում էին մասնակցել մրցույթների:
Անահիտի անժամանակ մահվան մասին ափսոսանքով ու ցավով լի հրապարակում է հանրայնացրել Արման Ալավերդյանը, ով ևս, լինելով հաշմանդամ, ակտիվորեն պայքարում է հաշմանդամություն ունեցող անձանց կյանքն ավելի լավը դարձնելու համար:
Ա. Ալավերդյանն է համակարգում հաշմանդամություն ունեցող անձանց աջակցության ծրագրերը, իրազեկում իրականացնում: Անահիտի մասին նա բացառիկ հիացմունքով ու անասելի ափսոսանքով է արտահայտվում:
Ա. Ալավերդյանը նշել է, որ Անահիտն արտակարգ գեղեցիկ անձնավորություն էր: Նա արտակարգ գեղեցիկ էր իր բոլոր դրսևորումներով ու բոլոր առումներով: Նա նաև ստեղծագործում էր:
